Јаник Синер ја одбрани титулата на Австралија опен откако денеска во три сета го победи Александер Зверев во големото финале.
Италијанскиот тенисер победи со 6-3, 7-6 и 6-3 против Германецот и ја освои третата грен слем титула во кариерата, а втора по ред на Австралија опен. Синер има неверојатна серија од 21 победа по ред на тврда подлога на грен слемовите, бидејќи во 2024 година славеше на Австралија опен и Ју-Ес Опен, а серијата продолжи во Мелбурн и оваа година. Во денешното финале Зверев не можеше да направи ниту еден брејк, а Синер уште еднаш докажа дека неговата игра на базната линија е на врвно ниво, како и психолошкиот момент да се носи со притисокот.
За Германецот ова беше трето грен слем финале и трет пораз, откако претходно губеше за титулата на Ролан Гарос во 2024 и Ју-Ес Опен во 2020 година.
