Манчестер сити го официјализираше второто зимско засилување, а тоа е младиот Бразилец Витор Реис.
Се работи за 19-годишен дефанзивец, кој доаѓа во Сити од таборот на Палмеирас за обештетување од 35 милиони евра. Реис потпиша 4,5-годишен договор со премиерлигашот.
Сити вчера го официјализираше трансферот на Абдукодир Хусанов од Ленс, кој исто така игра во одбраната, а наскоро клубот треба да го промовира и Омар Мармуш.
Египетскиот напаѓач веќе се прости од своите соиграни во Ајнтрахт Франкфурт и треба да биде промовиран во синиот дрес. Се очекува Сити да плати околу 80 милиони евра обештетување за Мармуш.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.