Бостон славеше со 85-125 на гостувањето кај Голден Стејт во рамки на НБА-лигата и им го нанесе на Вориорс најубедливиот пораз на домашен паркет во последните 40 години. Џејсон Тејтум постигна 22 поени, а Кристапс Порцингис 18 за победничкиот тим. Стеф Кари со 18 поени беше единствениот расположен кошаркар кај домашните.
Најдобриот тим во лигата Кливленд лесно го победи Феникс со 118-92. Донован Мичел ги предводеше Кавалирс со 33 поени, додека кај Санс најефикасен беше Кевин Дурент со 23 поени.
Далас загуби на гостувањето кај Шарлот со 110-105, Хјустон исто така загуби, но на домашен паркет од Торонто со 96-107. Мемфис беше подобар од Минесота со 108-106, Њујорк ја совлада Атланта со 119-110, а победи остварија и Њу Орлеанс против Јута со 123-119 и Чикаго на гостувањето во Лос Анџелес кај Клиперс со 99-112.