Кого Гоф ја совлада Ига Швјонтек во два сета и се пласираше во полуфиналето на ВТА завршниот мастерс турнир што се одржува во Ријад, Саудиска Арабија.
Со поразот на тенисерката од Полска, Арина Сабаленка и официјално ќе ја заврши 2024 година на 1.место на ВТА-листата.
Гоф ја победи бранителката на титулата со 6-3 и 6-4 за втор триумф во меѓусебните 13 дуели во кариерата. Американката воедно ја прекина и низата од шест победи по ред на Пољачката на ВТА финалето. Со оваа победа Гоф сигурно финишира помеѓу двете најдобри во портокаловата група, а дали ќе биде прва или втора ќе зависи од дуелот со Барбора Крејчикова во 3.коло. Чешката тенисерка денеска ја совлада Џесика Пегула со 6-3 и 6-3. Во последното коло Швјонтек игра со веќе елиминираната Пегула.