Александер Зверев ја освои седмата мастерс титула во кариерата по триумфот во финалето во Париз и тоа против домашниот фаворит Иго Умбер.
Германскиот тенисер немаше милост кон Французинот и во големото финале славеше со убедливи 6-2 и 6-2. За Зверев ова беше втора мастерс титула сезонава по онаа во Рим, а вкупно седма во кариерата.
Тој со денешниот триумф го мина првиот светски рекет Јаник Синер по бројот на победи во 2024 година, односно има 66 победи, наспроти 65-те на Италијанецот.
Умбер целеше да стане вториот Французин што го освоил турнирот во Париз по Жо Вилфрид Цонга во 2008 година, но и натаму останува без мастерс титула во кариерата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.