Кливленд ја продолжи фантастичната форма на стартот од сезоната во НБА-лигата, а во исто време ја продлабочи кризата на Милвоки со победата од 113-114 на гостински паркет. Донован Мичел со 30 поени ги предводеше Кавалирс до седмата победа на седмиот натпревар во новата сезона. Демијан Лилард имаше 41 поен, а Јанис Адетокумпо 34 поени со 16 скока, но тоа не беше доволно за Бакс, кои имаат очаен скор до 1-5.
Во Западната конференција перфектна е и Оклахома, која славеше со 92-105 на гостувањето кај Лос Анџелес клиперс. Целата стартна петорка на Тандер имаше двоцфрен ефект во нападот, а Шаи Гилџеус Александер беше најефикасен со 25 поени, а кај Клиперс, Ник Пауел реализираше 24 поени.
Шампионот Бостон победи во Шарлот со 103-113, Филаделфија на домашен паркет беше поразена од Мемфис со 107-124, а Никола Јокиќ со 27 поени и 16 скока го предводеше Денвер до триумф од 129-103 против Јута.
НА ОСТАНАТИТЕ НАТПРЕВАРИ:
Торонто – Сакраменто 131-128 (пп)
Хјустон – Голден Стејт 121-127 (пп)
Сан Антонио – Минесота 113-103
Вашингтон – Мајами 98-118
Феникс – Портланд 103-97