Бостон го запиша првиот пораз во новата сезона во НБА-лигата откако утринава загуби на гостувањето кај Индијана со 135-132 по едно продолжение. Паскал Сијакам имаше 29 поени и 11 скока за Пејсерс, додека во редовите на Селтикс најефикасен беше Џејсон Тејтум со 37 поени.
Кливленд има скор од 5-0 на стартот на сезоната по триумфот над Лејкерс на домашен паркет со 134-110. Еван Мобли со 25 поени и Донован Мичел со 24 ги предводеа Кавалирс до триумфот. Леброн Џејмс со 26 поени најмногу се истакна во гостинскиот тим.
Оклахома исто како и Кливленд е вториот непоразен тим сезонава и со победата од 105-93 против Сан Антонио има ефект од 4-0. Голден Стејт со 104-89 беше подобар од Њу Орлеанс, а Карл Ентони Таунс со 44 поени го водеше Њујорк до победа од 107-116 во Мајами.
НА ОСТАНАТИТЕ НАТПРЕВАРИ:
Шарлот – Торонто 138-133
Филаделфија – Детроит 95-105
Вашингтон – Атланта 133-120
Чикаго – Орландо 102-99
Мемфис – Бруклин 106-119
ЛА Клиперс – Портланд 105-106