Спорт Фудбал

Турција ја совлада Грузија во можеби најдобриот натпревар досега на ЕУРО 2024

Фудбалската репрезентација на Турција славеше со 3-1 против дебитантот Грузија во рамки на 1.коло од групата Ф на Европското првенство 2024 што се одржува во Германија.

Во неверојатно возбудлив натпревар со многу шанси и убави голови, можеби пресуди искуството на Турците, но и среќата беше на страна на победничкиот тим.

Турција поведе со прекрасен гол со волеј на Мерт Мулдур во 25.минута. Георгес Микаутадзе само седум минути подоцна го израмни резултатот и го постигна првиот историски гол за Грузија на континенталниот турнир.

Возбудувањата продолжија во вториот дел кога младата ѕвезда на Реал Мадрид, Арда Ѓулер со фантастичен гол од далечина ја врати Турција во водство во 65.минута.

Грузијците нападнаа со сите сили имаа пречка, а во судиското продолжение и статива. Кога сите фудбалери на Грузија беа во шеснаесетникот на Турција како и голманот Мамардашвили, очекувано се отвори контра, па Мухамед Актуркоглу погоди за 3-1 на празна мрежа во 97.минута.

Грузија иако загуби се покажа како феноменален тим, бидејќи сантиметри ја делеа од позитивен резултат против Турција.

Во вториот натпревар од групата Ф, вечерва од 21 часот Португалија игра против Чешка.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Пет милијарди луѓе го следеле Евро 2024

Дејан Дејан

Македонските клубови ги добија противниците во ЕХФ натпреварувањата

Дејан Дејан

Саутгејт се повлече од селекторската функција

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе