Украинскиот претседател Володимир Зеленски разреши од должност неколку блиски соработници, меѓу кои и својот прв асистент, Сергеј Шефир, јавуваат медиумите во Украина. Шефир беше именуван за прв помошник на Зеленски во 2019 година.
Зеленски смени и тројца свои советници – Олег Устенко, Сергиј Трофимов и Михаил Радуцки, пренесува „Унијан“.
Разрешени се и Наталија Пушкарјова, повереничка за доброволци, и Олена Вербицка, повереничка за заштита на правата на воените лица.
Од кабинетот на Зеленски засега нема објаснување за најновите промени во поширокото кадровско прегрупирање на администрацијата на украинскиот претседател.