Познати се сите четвртфинални двојки на мастерсот во Индијан Велс. Големо изненадување имаше на женскиот дел од турнирот.
Најдраматично беше на пресметката помеѓу седмиот носител Холгер Руне и домашниот фаворит Тејлор Фриц. Данецот го загуби првиот сет со убедливи 2-6, а во вториот сет во тај-брејкот спаси меч топка. Израмни на 1-1, а третиот сет го доби со 6-3 за да се пласира во четвртфиналето, каде ќе се соочи со четвртиот фаворит Данил Медведев.
Русинот го победи Григор Димитров во два сета со по 6-4. Каспер Руд одигра три сета во триумфот над Гаел Монфилс па во четвртфиналето ќе игра со Томи Пол, кој пак беше подобар од Лука Нарди со 6-4 и 6-3.
На женскиот дел од турнирот, втората фаворитка Арина Сабаленка загуби од Ема Наваро со 6-3, 3-6 и 6-2. За наваро ова е прво мастерс четвртфинале во кариерата, а нејзина следна противничка ќе биде деветтата фаворитка Марија Сакари, која во три сета ја победи Дајан Пари. Третата носителка Коко Гоф ја декласираше Елис Мертенс со 6-0 и 6-2 па во следната рунда, односно четвртфианалето ќе игра со Јуе Јуан од Кина која пак ја изненади Дарија Касаткина во три сета.