Лос Анџелес клиперс славеа со 111-102 против Денвер во рамки на дербито во НБА-лигата утринава.
Пол Џорџ со 25 поени го водеше домашниот тим до победата, а Џејмс Харден имаше 20 поени и 11 асистенции. Кај шампионот, Никола Јокиќ имаше очаен шут од игра со само девет погодени од 32 обиди, но повторно запиша трипл-дабл со 22 поени, 15 скока и 10 асистенции.
Далас ја здроби Јута на домашен паркет со 147-97. Лука Дончиќ ги водеше Маверикс со 40 поени, 10 скока и 11 асистенции, додека Кајри Ирвинг имаше 26 поени.
Жоел Ембид имаше фантастичен натпревар со 50 поени и 13 скока во гостинската победа на Филаделфија од 131-126 против Вашингтон. Уште еден феноменален индивидуален ефект имаше Дезмонд Бејн, кој постигна 49 поени за Мемфис во триумфот од 116-102 на гостувањето кај најслабиот тим во лигата Детроит.
НА ОСТАНАТИТЕ НАТПРЕВАРИ
Кливленд – Орландо 121-111
Атланта – Бруклин 113-114
Минесота – Сан Антонио 102-94
Торонто – Мајами 103-112
Чикаго – Шарлот 111-100
Хјустон – Оклахома 110-101
Голден Стејт – Портланд 110-106