Само еден ден откако некои медиуми во Шпанија објавија вест дека претседателот на УЕФА, Александар Чеферин договорил соработка со Обединетите Арапски Емирати, Европската фудбалска асоцијација објави демант во кој се тврди дека информациите не се точни.
Вчера се појави информација во која се вели дека УЕФА потпишала договор вреден 2,2 милијарди евра и дека покрај продажбата на телевизиските права за сите натпреварувања, финалето во Лигата на шампионите во сезоната 2029/2030 ќе се одигра во Абу Даби.
Од УЕФА тврдат дека ширењето на лажни вести е притисок пред изрекувањето на пресудата на Европскиот суд за правда околу тужбата за формирање на Европската супер лига.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.