Од денска на Светскиот шампионат во ракомет во женска конкуренција почнува борбата за пласман меѓу осумте најдобри.
Дваесет и четири селекции се пласираа во следната рунда од Мундијалот што се одржува во Шведска, Норвешка и Данска, а место во елиминациската фаза има само за осум национални тим.
Во секоја од четирите групи има по две репрезентации кои од првата рунда пренесоа максимален број на бодови, но и тоа не е гаранција дека ќе имаат лесен пат во пласманот во четвртфиналето.
Денеска на програмата се шест натпревари од втората и четвртата група каде по четири бода пренесоа Норвешка, Франција, Холандија и Шпанија.
Домаќинот Норвешка за противник ја има Ангола, а во останатите мечеви од втората група се среќаваат уште Словенија – Јужна Кореа и Франција – Австрија.
Во четвртата група први на теренот се појавуваат селекциите на Украина и Чешка, а потоа следуваат дуелите Шпанија – Аргентина и Холандија Бразил.