Снегот и силниот ветар оштетија еден столб на 110 киловолтниот далековод – Вруток Шпиље. Но, од МЕПСО велат дека нема проблем со снабдувањето со струја. Од компанијата соопштуваат дека стручни лица се на терен и работат на надминување на проблемот.
И екипи на ЕВН се уште се работат на отстранување на вчерашните и ново настанатите дефекти од утринава. Од компанијата соопштуваат дека во вакви услови ги користат сите мобилни екипи на располагање. А се прави напор да се отстранат и дефектите кои се појавија во непристапни места, каде што екипите на Електродистрибуција физички не може да стигнат поради лошите теренски услови. Обилните врнежи од снег предизвикаа голем број дефекти на среднонапонска и нисконапонска мрежа. Жители од повеќе населени места останаа без снабдување со електрична енергија.