Американскиот претседател Доналд Трамп побара Конгресот да одобри пакет од 87,6 милијарди долари од кои најголем дел е наменет за покривање на итните трошоци за воените операции против Иран. Од вкупната сума, околу 67 милијарди долари се предвидени за Министерството за одбрана, вклучувајќи муниција, оперативни активности и доверливи програми.
Барањето доаѓа само еден ден откако Конгресот усвои Резолуција со која ја критикуваше воената акција на администрацијата. Иако меѓу САД и Иран моментално се почитува прекин на огнот, Белата куќа наведува дека е неопходно обновување на воените резерви и зајакнување на безбедноста на американските дипломатски мисии во регионот.
Предлогот се соочува со сериозни политички предизвици во Конгресот, каде дел од републиканците и демократите изразуваат незадоволство од продолжувањето на конфликтот.
Според податоците на Пентагон, војната досега чинела околу 29 милијарди долари, но аналитичарите предупредуваат дека реалните трошоци би можеле да бидат значително поголеми.
