Ако грчкиот преносен систем сака да купи дел од МЕПСО, тогаш и ние сме заинтересирани за купување на солунското пристаниште. Премиерот Ковачевски со ироничен одговор на прашањето дали грчки ИПТО е заинтересиран да преземе дел од македонскиот преносен систем, како што пишуваат дел од тамошните медиуми. Ковачевски тврди дека се работи за неточна и лажна вест. А и пред извесно време од компанијата МЕПСО потрвдиле дека нема да се случи такво нешто.
И неговиот колега вицепремиерот Битиќи вели до Владата официјалнен предлог до сега за преземање на удел во Мепсо не е пристигнат. Но, за Битиќи убаво е да се чуе дека компании од надвор се интересираат да инвестираат во земјава.
Како што пишува грчкиот специјализиран портал Енерџи пресс, тамошниот преносен систем ИПТО, гледа на балканскиот пазар да ја зајакне својата позиција и во овој контекст настојува да стекне дел во МЕПСО.Пишува и дека менаџментот на ИПТО, веќе подолго време се во разговори со престваници на македонската влада, МЕПСО и на регулаторниот орган во земјава.
Се наведува дека со ова макеоднскиот преносен систем ќе го искористи добриот кредитен рејтин на грчкиот операртор и на тој начин полесно ќе дојде до пари од европските фондови кои би се искористиле за подобрување на мрежата.
Ирена Чачкова