Вести Македонија Најважни

„Џек-пот“ во Визбегово – Лотарија дава 2,6 милиони евра за кирија на фирма на син на пратеник на ДУИ

Зградата во близина на Визбегово – порано служеше за свадби, сега е изнајмена од Државна Лотарија за голема сума. Има четири ката и поткровје, се наоѓа на 7 километри од центарот на Скопје и од актуелното седиште на Државна Лотарија. Во истражувањата на „Слободна Европа“ и „Фокус“ беше посочено дека фирмата Хеј ДООЕЛ го купила земјиштето и објектот, по што склучиле договор за закуп со Лотарија за 2,6 милиони евра. Зделката дополнително е потврдена за сомнителна, откако Финансиската полиција отвори предистрага и според сознанија на Телма одзела документација од Лотаријата за да истражи дали има нерегуларности.

Но, фирмата „Хеј“ поврзува повеќе функционери и блиски роднини на политичари од ДУИ. Во моментот, сопственик на фирмата е Асмир Јахоски, сопственик на Пуцко Петрол и син на Исмаил Јахоски, актуелен пратеник во Собранието. Тој станал сопственик на „Хеј“ на 17-ти октомври, а зделката е регистрирана во Централниот регистар десетина денови подоцна. Оттогаш претходниот сопственик Армин Машовиќ станал само управител на фирмата која е формирана на 2-ри февруари оваа година и за кратко време склучува милионски договор со Лотарија.

Директор на Лотарија е Перпарим Бајрами кој според опозицијата е близок соработник и поранешен шеф на кабинет на Артан Груби, но вицепремиерот смета дека тоа е лажна вест и дека Бајрами никогаш не бил ниту вработен во кабинетот, ниту асистент, а најмалку шеф.

Дополнително, старата адреса на „Хеј“ до јули оваа година е зградата во Карпош залепена до трговскиот центар Лептокарија. На адреса на истиот објект изграден од Пуцко Петрол,  регистрирана е и фирмата на зетот на Али Ахмети, Куштрим Смајлај.

Извори од Финансиска полиција не ги коментираа наводите дека син на пратеник на ДУИ станал сопственик на фирма со објект изнајмен на Државна Лотарија управувана од директор поставен од ДУИ.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Вчера имало проблем со електроенергетската мрежа во Македонија и можело да има сличен колапс и снемување струја како денеска во половина балкански држави, тврдат во БиХ?

Дејан Дејан

Во Пакистан експлодира бомба крај пат при што загинаа пет војници

Дејан Дејан

Нормализиран сообраќајот на патот Градско – Велес

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе