Владата на седница одлучи да ги намали царинските давачки за овошје и зеленчук од 65 на 10 отсто, но тука не е опфатен увозот на краставици, домати и пиперки, информира министерот за економија Крешник Бектеши.
Тој нагласи дека добро е што има зголемен извоз на земјоделски производи, но не на сметка на домашниот пазар. Министерот смета дека нашите трговци претпочитаат да продаваат надвор од Македонија, а тоа му наштетува на домашниот пазар со оглед на тоа што државата е приморана да увезува за што во крајната цена влегува и царината.
Ваквата одлука следува по најавите од eкономија дека ќе се намалат давачките за увоз за да се создаде конкуренција во корист на купувачите. Анализите покажале дека цената кај земјоделците не е скокната, а препродавачите откупувале по багателни цени и ги хранеле пазарите од регионот.