Челниците на Тотенхем и по четврти пат ја одбија понудата на Баерн за комплетирање на трансферот на Хари Кејн.
Според пишувањето на медиумите во Велика Британија, Баварците во последната рунда на преговори понудиле 100 милиони евра, но клубот од Лондон и натаму не отстапува од бараните 115 милиони.
Дека Баерн има сериозна намера да го ангажира англискиот репрезентативец се потврдува со фактот дека во последниве недели првакот на Германија веќе испрати три понуди, а наддавањето почна со 70, продолжи со 82, па 94 и стигна до 100 милиони.
Кејн влегува во последната година од договорот со Тотенхем и јасно најави дека би сакал да ја смени средина упорно одбивајќи ги сите понуди за продолжување на соработката.
Доколку Тотенхем летово не го продаде ти тој остане во Лондон, Кејн веќе од први јануари може да преговара со заинтересираните клубови и во следниот летен преоден рок може да ја смени средината без обештетување.
ФОТО: Игор Паневски