Репрезентативецот на Белгија, Жереми Доку е прв на листата на фудбалери за кои во Манчестер Сити сметаат дека е идеална замена за Ријад Марез, кој неодамна се пресели во Саудиска Арабија.
Дваесет и едногодишниот напаѓач со Рен има договор на уште две години, а за предвремен раскин францускиот прволигаш бара обештетување од 30 милиони евра.
Доку пред две сезони во Рен дојде од Андерлехт и на 90 натпревари во сите конкуренции постигна 11 погодоци.
Покрај Доку во конкуренција е уште и Мајкл Олисе од Кристал Палас, но за комплетирање на овој трансфер првакот на Англија треба да плати за 10 милиони евра поголема сума.
ФОТО: Игор Паневски