На Светското првенство во фудбал во женска конкуренција познати се уште четири селекции кои се пласираа во осминафиналето.
Репрезентацијата на САД во директен дуел за втората позиција играше без голови против Португалија и успеа да влезе во елиминациската рунда. Актуелните светски шампионки се спасија од пораз откако во првата минута од судиското надополнување Ана Капета излезе сама пред противничкиот гол, а нејзиниот удар заврши во дирекот.
Првото место во групата го освои Холандија која во последното коло го декласираше Виетнам совладувајќи го со 7:0.
Во Д конкуренцијата победи на Англија и Данска кои ги потврдија првите две позиции на табелата. Англичанките без поголеми проблеми триумфираа со 6:1 во соочувањето со Кина додека Данска забележа победа од 2:0 во мечот против Хаити.
Во осминафиналето Данска за противник ја има Австралија, Англија се среќава со Нигерија додека Холандија и САД го чекаат епилогот од групите Ф, Г и Х.
ФОТО: Игор Паневски