На почетокот од втората недела од подготовките за настап на претквалификациите за Олимписките игри, селекторот на кошаркарската репрезентација на Македонија, Александар Јончевски полека го комплетира тимот.
На репрезентативците кои во претходните седум дена беа дел од тренинзите им се приклучија капитенот на националниот тим Војдан Стојановски и повратникот во селекцијата Ненад Димитријевиќ.
Во текот на денот во земјава треба да пристигне и Ти Џеј Шортс, а како дел од репрезентацијата која се подготвува за турнирот во Талин, Јончевски реши дополнително да ги повика Марко Миловановиќ и Андреј Андоноски кои се дел од селекцијата до 20 години.
Во тренажниот процес се врати Теодор Симиќ, а единствен проблем е повредата на Виктор Ефремоски.
Националниот тим за настапот во Естонија се подготвува во салата на СРЦ Кале.
ФОТО: Игор Паневски