Македонската машка одбојкарска репрезентација во меч од второто коло во европската Златна лига ја совлада Белгија со 3:1 по сетови 25:21, 25:23, 17:25 и 25:21.
Избраниците на селекторот Јошко Миленковски сосема заслужено стигнаа до посакуваниот триумф и најавија дека Македонија може да забележи и солиден резултат на претстојното Европско првенство што во септември ќе се одигра во Скопје.
Следниот предизвик за нашата селекција е веќе в сабота кога во арената Борис Трајковски ја пречекуваме Хрватска, а почетокот на натпреварот е закажан за 20 часот и 15 минути.
ФОТО: Игор Паневски