Бостон успеа да ја израмни финалната серија на Истокот против Мајами на 3-3 иако губеше со 0-3. Сега ја игра мајсторката на свој терен за пласман во големото финале.
Селтикс дојдоа до драматична победа од 104-103 на гостувањето кај Мајами благодарение на поените на Дерик Вајт буквално со звукот на сирената. Џејсон Тејтум со 31 поен и 12 скока ги водеше гостите, Џејлен Браун имаше 26, додека Маркус Смарт заврши со 21 поен. Кај Мајами, Џими Батлер имаше 24 поени со 11 скока, а Кејлеб Мартин запиша 21 поен и 15 скока.
Бостон мајсторката, односно седмиот решавачки натпревар го игра на домашен паркет во вторник во 2:30 часот. Интересно е тоа што Селтикс со победа можат да испишат нова историја во НБА-лигата, бидејќи ќе бидат првиот тим, кој минал во следната рунда иако ја почнал серијата со негатива од 0-3. Сите 150 тимови кои претходно воделе се до 3-0 во историјата на НБА успеале да минат понатаму.