Шпанскиот голман Серхио Рико, кој брани за ПСЖ се наоѓа во болница на интензивна нега откако утринава паднал при јавање коњ во Севилја. Тој итно бил пренесен во болница со хеликоптер и неговата состојба е многу тешка.
ПСЖ ја потврди веста дека Рико се наоѓа во болница и е во контакт со семејството на голманот. Тој синоќа беше резерва на гостувањето кај Стразбур, по што неговиот клуб ја освои титулата. Веднаш заминал во својата Андалузија, каде утринава се случила несреќата.
29-годишниот голман дојде во ПСЖ од Севилја во 2019 година и досега запиша само 14 настапи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.