Владата во јануари на седница ја сменила одлуката за заштита на изворот Студенчица од која со вода се снабдуваат над 180 илјади граѓани во 7 општини во државата.
Главната промена е што во заштитните зони се дозволува изградба на ветерници и соларни панели, а КОД во вечерашната емисија открива дека само неколку дена по владината одлука, Министерството за транспорт и врски веќе побарало мислење од општина Кичево за нов ветерен парк во третата заштитна зона (до измената втора зона) на изворот Студенчица.
Во КОД вечерва и за бугарската компанија „Балкан Јутилитис“ чии банкарски гаранции дадени при набавка на гас, државната компанија ЕСМ ги прогласи за доверлива информаца. КОД истражува какви гаранции всушност се барале од фирмата од Софија поврзана со контроверзниот руски билионер Лебедев и какви политички конекции има ова мала бугарска фирма.