Бизнис секторот повторно во грч, поради најавата за ново покачување на струјата по Нова година. Ангел Димитров од Организација на работодавчи вели дека во моментов цената на струјата на светски берзи е добра за компаниите и се движи од 250 до 150 евра. Но, според него потребно е Владата да направи добра анализа за секторите во стопанството, на кои би им требало помош при голем скок на струјата по новогодишните празници.
Во моментов компаниите на мали или големи се делат според потрошувачката на струја. Според Кирил Нашков од штипскиот текстилен кластер секако дека ќе биде потребна помош, но се зависи и од тоа колку државата е моќна да помогне. Во мометов имаат нарачки од странските партнери, но цената се менува на месечно, а не на годишно ниво, во споредба со лани.
Цената на струјата на берзите постојано се менува, во споредба со лани се повисоки за пет до седум пати, што директно влијае на ликвидноста на фирмите.
Викторија Димитрова Јованова
