За пет години, во периодот од 2017 до 2021 година, Дирекцијата за Технолоши индустриски развојни зони – ТИРЗ има доделено државна помош од 75,5 милиони евра, од кои директно од Буџетот се исплатени 37,5 милиони евра, а 38 милиони се даночните и царинските ослободувања, констатира Државниот завод за ревизија, странските инвестиции во ТИРЗ имаат позитивно влијание за стопанството и тоа преку воведување на нови производства и бизниси кои можат да привлечат и други компании во ТИРЗ, намалување на невработеноста, пренесување на знаење за нови технологии во производството и корпоративното управување.
Сепак ревозирите оценуваат дека иако доделувањето на државната помош е регулирано со комплексната законска регулатива, одредени правни одредби не се прецизни, не се донесени подзаконски акти, а распределените надлежности во неколку државни органи, ја отежнуваат контролата и координацијата и не овозможува целосен увид во вкупно доделената државна помош по корисник во државата.
Државата има формирано 14 Технолошко индустриски развојни зони, во периодот на ревизијата осум биле во функција, а во нив вкупно се вложени околу 100 милиони евра.