ЕСМ попладнево се очекува да соопшти колку фирми доставиле понуди за набавка на гас. Денеска е последен ден, кога државните електрани треба да ја комплетираат документацијата од сите заинтересирани компании.
Се очекува да се јават фирми од земјава, но и од странство. Ако има понуда која е прифатлива за ЕСМ, договорот ќе биде потпишан следната недела. Се бараат нешто над 250 милиони кубни метри гас, за да може да работат двете топлани Исток и Запад, но и ТЕТО.
Доколку ниту една од понудите не е прифатлифа, во тој случај од државните електрани уверуваат дека се прават подготовки топланите веднаш да можат да почнат со работат на дизел.
Во меѓувреме се трошат последните количини на гас, кој ЕСМ ги набави пред почетокот на грејната сезона.