– Оставката на Арафат Муареми е малку неочекувана, во момент кога тој шутира пенал, односно е шутнат пенал во негова полза, односно Републичкиот обвинител шутнал пенал во негова полза, со тоа што обвинителите ги ставил на обвинителна клупа, неговата позиција страшно се подобрува, малку е неочекувано што во таков случај тој поднесува оставка, вели професорот Гордан Калајџиев.
Според него тоа значи дека веројатно е договорено да се тргнат и едните и другите бидејќи како што додава обвинителките во конкретниот случај „го обрале бостанот“.
– Ако обвинителот пак сакал, не знаеме како, мислам дека и оваа постапка ќе се забошоти, против Арафат, ако обвинителот е сериозен, Републичкиот, дека во таа постапка се направени сериозни пропусти и злоупотреби тоа се вика злоупотреба на постапките, тогаш тој треба таа постапка да ја сопре. Ако тој мисли дека постапката е злонамерно поведена и погрешно водена и на штета на јавните интереси како што е сега утврдено со тоа што повел дисциплински постапки тогаш доследно би требало таа постапка да се запреа, додава Калајџиев.
Професорот додава дека тоа би не довело до исход кој што најмалку го посакувавме и кој што и тој го претпочитал, но со идеја иако изгледа слично да се тргнат обвинителите за да се заврши таа постапка, а не постапките против обвинителките.