Во пресрет на Светското првенство во фудбал објавена е листата на најдобро платени селектори на националните тимови.
Прв на листата на предводници на репрезентациите е Ханс Дитер Флик од Германија чија годишна плата изнесува шест и пол милиони евра.
Седумстотини илјади помалку инкасира селекторот на Англија, Герет Саутгејт, а трет со заработка од 3,8 милиони е Французинот, Дидие Дешамп.
Веднаш зад водечката тројка со плата од три милиони и шестотини илјади е Тите од Бразил, а меѓу петте е уште и Луј ван Гал од Холандија со сума од 2,9 милиони евра колку што има и Мексиканецот, Херардо Мартино.
Од селекторите на 32 репрезентации учесници на Светскиот куп, 18 имаат седум цифрени примања, а меѓу оние кои имаат најмали плати се тројца кои се на чело на селекции од Африка.
Најмала плата од 130.000 евра има Тунижанецот, Џалел Кадри, претпоследен е Алиу Сисе од Сенегал со 310.000 илјади, а триесет илјади повеќе заработува Ригоберт Сонг од Камерун.
ФОТО: Игор Паневски