Во врска со несреќата со двегодишно дете, скопската полиција го потврди случајот и соопшти дека е извршен увид и се расчистува случајот.
Детето хоспитализирано по пад од тераса е примено на Клиниката синоќа, на одделот за интензивна нега и се наоѓа во стабилна состојба, ни одговорија од Клиниката за детска хирургија.
-На 22.06.2022 во 00.47 часот во СВР Скопје било пријавено дека двегодишно дете паднало од четврти кат од зградата во која живеее. Според пријавеното, додека родителите биле во станот, детето излегло на оградената тераса и се качило на стол, по што паднало. На детето му била укажана лекарска помош на детската клиника во Комплексот клиники „Мајка Тереза“ и биле констатирани тешки телесни повреди. Увид бил извршен и се работи на расчистување на случајот, соопштија од МВР.