Во НБА лигата одиграни се само два натпревари. Филаделфија го декласираше Лос Анџелес Лејкерс додека Голден Стејт беше поуспешен од Минесота.
Филаделфија триумфираше над Лос Анџелес Лејкерс со 105:87 и ја забележа третата победа во низа. Џоел Ембид мечот го заврши со 26 поени и девет скока, Тобајас Херис имаше учинок од 23 поени и четири асистенции додека Тајрис Макси впиша 14 поени и 10 додавања.
Во поразениот тим во отсуство на ЛеБрон Џејмс, Ентони Дејвис имаше 31 поен и 12 освоени топки под обрачите, а Расел Вестбрук беше стрелец на 20 поени.
Голден Стејт ја совлада Минесота со 124:115 и ја продолжи триумфалната серија. Стефон Кари забележа 29 поени и осум скока, Клеј Томпсон постигна 23 поени, а Ендрју Вигинс додаде 19 поени и пет освоени топки.
На спротивната страна Карл Ентони Таунс имаше 31 поен и 12 скока додека Ентони Едвардс постигна 27 поени.