Репрезентацијата на Франција е последниот полуфиналист на Европското првенство во ракомет.
Триколорите во клучниот натпревар против Данска забележаа победа од 30:29 иако во еден момент беа на работ на бездната и имаа негатива од пет погодоци.
Данците на десетина минути пред крајот на мечот водеа со 27:22, а потоа следуваше период без гол кој траеше повеќе осум минути. Французите го искористија тој пад во играта на противникот успеаа да израмнат на 28:28, а потоа во завршницата со головите на Дика Мем да стигнат до победа од 30:29.
По овој триумф на Франција, Исланд остана без пласман во полуфиналето и ќе се бори за петтата позиција. Исланѓаните во првиот натпревар од денешната програма ја совладаа Црна Гора со 34:24, а во вториот меч кој немаше никакво значење Хрватска и Холандија освоија по бод играјќи без победник 28:28.
В петок во полуфиналето на континенталниот шампионат ќе играат Франција – Шведска и Данска – Шпанија.
ФОТО: Игор Паневски