На Европското првенство во ракомет денеска се играат натпреварите од претпоследното коло во втората група од главната рунда.
Во првиот натпревар од 15 часот и 30 минути, Шпанија се среќава со Полска и со евентуална победа актуелниот европски првак ќе направи крупен чекор кон пласман меѓу четирите најдобри на континенталното првенство.
Од 18 часот Германија ќе се соочи со Русија и селекцијата која ќе победи во овој меч има големи шанси за освојување на третата позиција во групата што може да донесе директен пласман на претстојното Светско првенство што ќе се одржи следната година.
Во последниот дуел од денешната програма ќе се сретнат големите ривали Шведска и Норвешка кои директно решаваат за пласман во полуфиналето.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.