Вести Македонија Топ вести

ЈСП бара замрзнување на цената на метанот – Регулаторна вели дека тоа е против законот за енергетика

В.д. директорот на Јавното сообраќајно претпријатие Скопје Иван Илиевски денеска извести дека новата цена на метанот која на светските берзи порасна на 110 денари ќе се одрази врз работењето на претпријатието.

Како што појасни тој на денешниот брифинг, цената на метанот на 31.12.2021 година беше 50 денари за килограм, а новата цена е 110 денари. Со ова, разликата ќе биде околу милион евра дополнителен трошок за јавното претпријатие.

Затоа, Илиевски побара од Регулаторната комисија за енергетика да може да ја регулира цената на метанот, односно да се замрзне нивото на цената од декември и побара како единствена и најбезболна опција централната власт да субвенционира дел од разликата во цената.

– Во овој момент барам помош и субвенција од Владата и исто така регулирање на цената на метанот за македонскиот пазар. Регулаторна комисија да се вклучи, да донесе некоја одлука за замрзнување на цените заклучно со цената на метанот на 31.12.2021 година, рече Илиевски.

Првиот човек на регулаторната комисија за енергетика, Марко Бислимовски, вели дека тие немаат никаква надлежност во однос на замрзнување на цени на продукти, како што е метанот, односно ЦНТ-то.

“Таа дејност се смета како целосно пазарна дејност и затоа при носењето на законот, добивме поддршка и од секретаријатот на енергетската заедница. ЦНГ-то претставува компримиран природен гас , за кој што ние , согласно законот за енергетика не определуваме набавни цени.” – вели Бислимовски, додавајќи дека барањето на ЈСП е спротивно на законот за енергетика.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Тешко повреден работник на „Коридорот 8“, од слобода лишен труски државјанин

Дејан Дејан

Новата Влада да продолжи да го гради концептот на интеркултурализам

Дејан Дејан

Иљаз побара турскиот јазик да биде рамноправен, Мицевски го покани да биде дел од Владата

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе