Русија го освои Дејвис Купот откако вечерва во големото финале во Мадрид ја совлада Хрватска во сингл-конкуренција. Андреј Рубљов и Данил Медведев го обезбедија трофејот за Русите.
Медведев со 7-6 и 6-2 го совлада Марин Чилиќ, а претходно и Андреј Рубљов во два сета беше подобар од Борна Гојо со 6-4 и 7-6.
Пресметката во двојки не беше потребна, а таму Хрватите имаа сериозна предност, бидејќи Мектиќ и Павиќ моментално се најдобриот тениски пар.
За Русија ова е трет трофеј во Дејвис Купот по 2002 и 2006 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.