Во меч од петтото коло во кошаркарскиот шампионат на Македонија, Работнички го совлада градскиот ривал ТФТ со 105:92 и на противникот му го нанесе првиот пораз од почетокот на сезоната.
Најефикасен во победничкиот тим со 29 поени беше Џексон Пол, кој додаде и 15 асистенции, Недим Мустафица мечот го заврши со осум поени и 11 скока додека Горјан Марковски имаше учинок од 20 поени и шест освоени топки под обрачите.
Во редовите на ТФТ, Александар Костоски забележа 20 поени и осум додавања, а Ландриус Хортон беше стрелец на 22 поени.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.