Во рамките на чествувањата на 11 Октомври, во нашата амбасада во Париз, отворена е изложбата, насловена „Омеѓени приказ(н)и“, на визуелниот уметник и професор, Тони Васиќ. Тој се претставува со серија цртежи, на кои главен мотив е глуварчето. Како што вели авторот, сите глуварчиња се нацртани, насликани од белината на хартијата и тие ја претставуваат и вештината за превртување, пофалбата на имагинацијата и одата за радост.
Изложбата ја отвори амбасадорката Јадранка Чаушевска-Димов, која не го криеше задоволството што по прв пат од почетокот на пандемијата со Кавид-19, амбасадата е повторно домаќин на еден културен настан.
Според академик Катица Ќулафкова, глуварчињата на Тони Васиќ се стремат да бидат телесни, да бидат во просторот и времето, дури и за кратко време.