Регулаторна комисија за енергетика им даде рок од 90 дена на нафтените компании РКМ, Супертрејд, Пертинакс и Ли Оил ДБ да ги обезбедат потребните количините на оперативни резерви на мазут во своите складови.
„Иако согласно Правилникот се дозволува рок од најмногу 6 месеци во кој компанијата ќе го усогласи своето работење со законските прописи, РКЕ го скрати овој рок и ги задолжи трговците на големо за 90 дена да достават доказ – записник од Државниот пазарен инспекторат дека ги поседуваат потребните оперативни резерви на мазут“, изјави Марко Бислимоски, претседател на Регулаторна комисија за енергетика.
Доколку по утврдениот рок не ги обезбедат резервите – ќе им биде одземена лиценцата. Откако РКЕ ги предупредила нафтени компании три од четири трговци на големо со мазут доставиле одговор каде генерално посочувале дека Правилникот за нивото и начинот на пресметка на оперативните резерви што Министерството за економија го донесе во април 2021 годинава е без период за прилагодување на компаниите со новите промени.