Со трактори и транспаренти жителите на струмичко Вељуса излегоа денеска на сред село и побараа заштита од надлежните институции за да запре дивеењето по нивното поле. Земјоделците од овој крај велат дека организирани групи крадат и дивеат по нивите, уништувајќи ги и посевите.
Тасев вели дека не се чувствуваат безбедни на сопствените имоти, затоа што досега имало многу инциденти.
Поради секојденвните кражби, тукашните земјоделци велат дека се откажале од раноградинарско производство, се преорентирале кон овоштарство, но, големи штети имале и врз овоштарниците.
Според изјавите на жителите, кражбите и штетите по полето ги прават групи од блиското село Баница. Со случајот е запознаена и струмичката полиција и општината, но засега нема донесена одлука како ќе се делува.
Сузана Мицева