Македонската ракометна репрезентација ги доби ривалите во рамки на Европското првенство, што ќе се одржи во јануари 2022 година во Унгарија и Словачка. Имаме тешка група во која ќе играме со две репрезентации од поранешна Југославија.
Денешната ждрепка ја смести македонската репрезентација во рамки на групата А, што ќе се игра во унгарскиот град Дебрецен. Наши ривали ќе бидат Словенија и Данска, како и селекцијата на Црна Гора.
Ќе играме против добро познати противници, а со Данска веќе ги одмеривме силите во квалификациите, кога сензационално ја совладавме во Скопје, но потоа светскиот шампион ни врати на свој терен. Со Словенија ги одмеривме силите на изминатото Светско првенство, кога загубивме со убедливи 10 голови разлика. Со селекцијата на Црна Гора последен на големите турнири се сретнавме во групата на Европското првенство во Хрватска во 2018 година и славевме минимална победа од 29-28.
Битката за пласман во втората фаза од Европското првенство ќе биде исклучително тешка со оглед на фактот што само првите две репрезентации од групите одат понатаму. Ако успееме да ја поминеме групата и освоиме едно од првите две места, тогаш следната фаза ќе ја играме во Будимпешта, каде ќе вркстиме со најдобрите две селекции од групите Б и Ц.