Македонската ракометна репрезентација и официјално го завери пласманот на Европското првенство со победа од 27-22 на гостувањето кај Финска во претпоследниот натпревар од квалификациите. Одигравме лошо прво полувреме, а го решивме натпреварот во наша корист во последните 10 минути.
Почнавме со подмладен состав, но по десетина минута откако играта не беше сјајна на теренот се појавија и Kирил Lазаров и Fилип Mиркуловски. Повторно игравме тешко, а Fинците го диктираа темпото и резултатот, но нивната предност ниту еднаш не отиде над три разлика. На полувремето домашните водеа со 14-12. Во вториот дел, се виде малку посериозниот пристап на нашите ракометари, конечно го скршивме отпорот на домаќините во последните 10 минути од натпреварот. Со серијата од 5-0 поведовме со 19-23 и тука ги решивме сите дилеми околу победникот. До крајот одигравме рутински за конечна победа од 22-27.
Интересно имавме дури шест промашени пенали од 12 обиди, а противничкиот голман Патрик Росландер беше играч на натпреварот со дури 20 одбрани. И во нашиот табор голманите беа солидни, па Томовски и Митревски искомбинираа 15 интервенции.
Кирил Лазаров, Гоце Георгиевски и Филип Кузмановски постигнаа по пет голови, а за истакнување се и двата гола на младиот Игор Ѓоргиев од лиијата за седум метри. Макс Гранлунд со шест погодоци беше најдобар кај Финците.
Во последното коло од квалификациите македонската репрезентација во недела во „Јане Сандански“ ја пречекува Швајцарија.