Македонската женска ракометна репрезентација го одржа претпоследниот тренинг пред реванш дуелот од баражот за пласман на Светското првенство против селекцијата на Романија што ќе се одигра в среда во Скопје.
Нашата селекција во првиот меч забележа пораз од 11 гола разлика, но во голем дел од натпреварот му пружи силен отпор на фаворизираниот противник.
Дуелот во Скопје в среда ќе биде уште можност нашите млади ракометарки да стекнат дополнително искуство што ќе биде неопходно за следните предизвици на оваа генерација, а тоа е настапот на Европскиот шампионат следната година во Скопје.
Натпреварот со Романките се игра в среда во СЦ Јане Сандански со почеток од 17 часот и 45 минути.
ФОТО: Игор Паневски