Обвинителството поднесе обвинение за предметот Лидери, истрага која ја отвори СЈО во декември 2017 а лани ја презема редовното обвинителство заедно со останатите предмети од специјалното . Предметот го доби името поради бомбата во која телефонски разговараат партиските лидери Али Ахмети и Никола Груевски од која е иницирана истрагата но осомничен а сега и обвинет, е 50 годишен инвеститор од Скопје за бесправно градење на објект од 1000 метри квадратни спроти амбасадата на САД .
– Во периодот од септември 2011 до февруари 2013 година, обвинетиот градел на земјиште во државна сопственост на булеварот „Никола Карев“ во Скопје, за кое во 2004 година имал склучено Договор за закуп и користење на пасишта со ЈП за пасишта – Подружница Бит Пазар – Скопје. Иако согласно договорот бил корисник на земјиштето за период од 10 години, тој инвестирал во градба на армирано-бетонски објект од втора категорија. Без одобрение за градба тој изградил станбена зграда на два ката со вкупна корисна површина од 1.001 м2, со деловен простор и шест стана, информираат од обвинителството.