По одржувањето на последниот тренинг пред заминувањето за Русија, селекторот Александар Тодоров го објави конечниот список на играчи кои ќе патуваат за Перм.
Тодоров реши во Скопје да останат Марко Симоновски, кој поради повреда го пропушти целиот циклус на подготовки во Скопје, а за Русија нема да замине и Љубомир Младеновски.
На списокот се наоѓаат: Дамјан Робев, Андреј Митревски, Бојан Крстевски, Дамјан Стојановски, Кристијан Николов, Андреј Магдевски, Бојан Трајковски, Теодор Симиќ, Виктор Ефремовски, Филип Бакоч, Џејкоб Вајли, Војдан Стојановски, Лука Савиќевиќ, Ненад Димитријевиќ, Стојан Ѓуроски.
Нашата селекција утре заминува за Перм каде ќе одржи уште неколку тренинзи, а првиот натпревар го игра в четврток на 18 февруари против селекцијата на Италија.
ФОТО: Игор Паневски