Сојузот на средношколци одлучи да продолжи со бојкотот на наставата и во текот на следната недела. Од таму велат дека ваквата одлука следува по вчерашната вонредна седница на Генералното Собрание.
Министерството за образование соопшти дека заедно со Владата се должни и ќе ја спроведат матурата за да обезбедат можности за сите над 14.000 учениците кои ја пријавија да ја полагаат и да продолжат да учат и да се запишат на факултет.
Според Министерството, бојкотирање на оваа суштинска должност и одговорност е неприфатлива. Потсетуваат дека учениците кои не планираат да продолжат на факултет, имаат избор да полагаат само училишна матура и стручен испит.
Од МОН појаснуваат дека се направени измени и во постојната концепција, воведени се два дополнителни изборни предмети- географија и информатика, и ја усогласивме проектната задача за да биде интересна за матурантите. И тоа е направено заедно со средношколците.