Жителите на Ѓорче Петров тврдат дека се врши урбанистичко силување на Општината . Тие стравуваат дека со тоа што минатата недела Советот изгласа програма за работа во кој се предвидува до крајот на оваа година да се донесат и да се стават во сила 25 детални урбанистички планови , тие ќе се штанцаат затоа што треба да се донесат за осум месеци .
Сметаат дека нема да се почитуваат роковите за јавни анкети, запознавање на јавноста, разгледување на анкетните листови, и дека јавноста ќе биде комплетно изолирана од процесот. Моментално во општина Ѓорче Петров, секторот за урбанизам и планирање како да го водат градежните инвеститори кои дивеат и уцртуваат маркици за колективно домување каде што сакаат, наместо професионалци кои ќе го почитуваат законот за планирање и градење сметаат граѓаните.