Кафулињата и кафеаните да работат до 18 часот, или кратење на работното време за три часа – е мерка која здравствените власти ја предложија за новогодишните празници. Ќе се одлучува утре на владина седница, а угосителите од петок ќе ставаат клуч на врата во 18 часот па се до 21 јануари .
Дополнително , како една од мерките кои и сега се на сила е дека во затворените кафулињата и кафанаи смее да има гости само во една третина од објектот. Хотелите , кои секоја година организираат дочеци за нова и стара нова година ќе треба да ги затворат рестораните во 21 часот. А , предновогодишните забави на фирмите исто така ќе се забранат.
Од Независната угостителска комора пак со барање на новогодишните празници да работат до 1 часот по полноќ и да се овозможи на угостителите да имаат музички програми.
Другите мерки , главно се сведени на апели и укажувања. Останува на сила забраната за собири на јавни места и се апелира до општините да го засилат надзорот за почитување и спроведување на оваа мерка.
Комисијата препорачува забрана за групирање по плоштади за дочек и прослава на Новата година, како и секаков вид на собири во периодот на празниците. Тие исто така ќе достават препорака за забрана за групирање во станови односно , пак укажуваат да се почитуваат препораките за собири во домови. За сега повеќе детали нема. А , се уште важи мерката за носење на маска на отворено како и затворање на локалите до 21 часот.
За сега нема најава за полициски час, а на сила е кризната состојба која беше прогласена на 19ти ноември.
Теодора Цветковска