Македонската фудбалска репрезентација избори пласман на Европското првенство, но по триумфот во Тбилиси пред нашите најдобри фудбалери е нов предизвик, а тоа е освојување на првото место во групата и пласман во Б Лигата на нации.
Утре во Скопје гостува селекцијата на Естонија, а во последното коло в среда во Никозија играме против Ерменија.
“Кажав во септември дека главна цел е пласман на ЕП, ама моментално сме на прво место во групата и ќе дадеме се да бидеме први во Лигата на нациите. Нормално е по голем пласман емоциите да се испразнети, ама кога играш нов меч за Македонија, сите ќе се потрудат максимално. Имаме доволно квалитет за победа, па да одиме на Кипар и таму да решаваме за првото место. Втората можност пак да бидеме шампиони во ова натпреварување мора да не мотивира. Од утре настапуваме како репрезентација која настапува на ЕП и тоа мора со сите сили да го браниме. Секогаш има мотивации и сакаме да бидеме први во Лигата на нациите. Ќе се обидам да ја изнесам најдобрата тактичка определба според тимот на располагање. Доволно време сме заедно и добро знаеме што треба да направиме на теренот”, изјави селекторот на националниот тим, Игор Ангеловски.
ФОТО: Игор Паневски
